اه يانا ياما على اللى حصللى فى الاردن

انا يا جماعه حصللى موقف غريب نفس احكيلكم عليه
كنت راجع من الخليج و نظرا لظروف الرحلات اتحجزلى رحله غريبه جدا هطلع على البحرين ترانزيت ساعتين و بعدين الاردن 3 ساعات بعدين مطار اسكندريه لفه بنت تييت تييت بس مش مهم المهم هروح على مصر وحشانى اوى
عدت رحلة البحرين بسلام بس فى الاردن حصللى موقف غريب اوى
كلمت اخويا فى مصر على الموبايل بطمنه ان انا فى الاردن و قربت اركب لمطار النزهه عشان يستنانى هناك فى الكس
بعد مخلصت التليفون جالى واحد فى الاردن قعد معايا على الترابيزه بيقوللى انت مصرى قولتله اه مصرى قاللى ياه الواحد لما بيشوف حد من بلده فى الغربه بيبقى سعيد اوى قلتله الله يخليك مع انى محستشى بنفس السعاده دى بس مجامله مفيهاش ضرر المهم قاللى ياه يا مصر 15 سنه مشفتكيش فين ايام شبرا و مدبولى بتاع الجيلاتى و مراكب روض الفرج و الترماى ابو سنجه
قلتله ده انت فاكر مصر اهه
قاللى ولسه مبارك كاتم عليكم
قولتله طبعا الريس مش ناوى يرحمنا على قلبنا لطالون
قاللى ده راجل ابن تييت قلتله ابن ستين تييت قاللى و الفساد فى كل مكان فى مصر قلتله اه شويه دى بلد بنت كلب وانا ايوه بنت ستين كلب قاللى بقولك ايه ممكن ساره اختى تقعد معانا
بينى و بينكم البت مزه تقعد طبعا و انا اطول يا باشا
قعدت ساره اههههه يا بخت الكرسى
المهم قعد يكمل مصر دى بلد بنت تيييت اقله عيب ساره قاعده يقوللى متخدش فى بالك يا عسل مبتعرفشى عربى قعدنا فى بلجيكا بقالنا 15 سنه ناسيه العربى
اه يا سيدى البلد دى بنت تيييت طالما ساره ناسيه العربى
ساعه من الشتايم فى زعماء مصر و العرب و بعدين جيه صوت مذيعة المطار



على ركاب الطائره رقم 312 و المتجهه الى تل ابيب سرعة التوجه لبوابه رقم 11
قاللى طب بعد اذنك بقه عشان بينادو على طيارتى
ذهووووووووووووووووووووووووووووووووول
لا تعليق