نؤيد سيادتك احمد فؤلد نجم

نؤيد سيادتك لفترة جديدة

نكمل خلالها المسيرة السعيدة

و بالمرة فيها نبيع الحديدة

مفيش حاجة تانية نبيعها خلاص

*****

نؤيد سيادتك لأجل المزيد

من اللي تحقق بفضلك أكيد

بقينا خلاص ع الحميد المجيد

و ربك لوحده ف ايده الخلاص

*****

نبايع سيادته ولا حد غيره

كفايا علينا نبرطع في خيره

و نوم شعب مصر العظيمة و شخيره

يقول للحرامي ما تسرق كمان

*****

نبايع سيادته وابنه وحفيده

مفيش زي فكره قديمه و جديده

خرابك يا مالطة حيحصل بايده

ومين فيكي يعني بيسمع آذان

*****

نبوس ايد سيادتك و رجلك كمان

تخليك معانا يا ريس عشان

وجودك ضرورة فرضها الزمان

و من غير وجودك حقيقي نضيع

*****
دي مصر بتاعتك و احنا ضيوفك
كفايا علينا يا ريس نشوفك
و عاذرين سيادتك و فاهمين ظروفك
عليك بس تؤمر و احنا نطيع
*****
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة و مهانة و حوجة و مر
*****
لكن يعني ما دمنا شعب انتساب
و دايما وأبدا ف حالة غياب
متعملش لينا يا ريس حساب
دي عزبة سيادتك و فيها انت حر
*****
و دستور مدستورش مش فارقة خالص
كلام فاضي كله يا فندم بناقص
كفايا علينا الفساد اللي ماصص
عرقنا و معشش و ضارب جذوره
*****
و ايه يعني تهري جتتنا البلاوي
يوماتي كوارث فضايح رشاوي
كفايا علينا القعاد في القهاوي
بنستنى لما الوريث ييجي دوره

يا نهار يا عيال انا هتحبس

مصر بلد جميل ذو تاريخ عريق، وقد حباها الله بشمس دافئة طيلة العام، مع هواء عليل ومناظر خلابة، لهذا يقصدها السياح من أرجاء الأرض لينعموا برؤية آثارها العظيمة التي تنطق بعظمة التاريخ، وينعموا بالسباحة في مياهها الجميلة أو يمارسوا رياضة الغطس في البحر الأحمر حيث الشعاب المرجانية رائعة الجمال. وقد قال مصطفى كامل: لو لم أكن مصريًا لوددت أن أكون مصريًا ، لهذا يبكي السياح لأنهم ليسوا مصريين،
مصر ام الدنيا مصر مفيهاش عيوب و رئيسنا هو رئيس الحكمه هو اللى قام باول طلعه جويه فتحت باب الحريه
السحابه السوده دى مش تلوث لا سمح الله و لا ناس بيحرقوا قش الارز ( قال يعنى قبل كده كانوا بياكلوا قش الارز) و موضوع قضية الغاز لاسرائيل ده مش موضوع مهم اصلا ايه يعنى ان احنا ندى غاز لاسرائيل الشقيقه بسعر رمزى مساهمه من مصر للشعب الاسرائيلى الشقيق

الا صحيح يا ريس احنا ليه بنديهم غاز ليه بسعر اقل من سعر استخراجه و قال يا ريس صحيح احنا بنديهم الغاز بملاليم و هما بيبعوه بسعر السوق؟؟؟؟

طب هما يا ريس ماسكين علينا زله؟
هم صحيح يا ريس مصورنا فى وضع مخل بالاداب و معاهم الشريط و حكومتنا خايفه لحسن نتفضح فبنسد بقهم بالغاز

ولا اقولك سيبك يا ريس قوللى مين اللى سرق التوكتوك بتاع ام اويء هل هو سيد كبداكى ولا بستم الميكانيكى ولا حمبوزو لاوى بوزو

انا و السمكه

اشعر بشىء غريب حقا
اشعر انى مثل السمكه داخل حوض سمك دائرى صغير
احاول بذيلى ان اضرب جدران سجنى الزجاجى احاول ان اضرب الحوض الصغير لعلى احطمه و اخرج للدنيا الواسعه مثلما تفعل السمكه رغم انها تعلم انها لو كسرت هذا الحوض و انسكبت منه المياه و اصبحت فى الغرفه الواسعه لفقدت القدره على التنفس و ماتت فى الحال

ليه بس الانتحار حرام فى كل الاديان!!!!!!!!!!!!!!!!!!!!!!!!!

الاتحاد ليس قوه

مما لا نقاش فيه ان الاتحاد قوه فاذا اتحد عنصر مع اخر بشكل صحيح و مع وجود حافز صارا عنصر واحد اكثر قوه
و لكن احيانا تكون الدعوه للاتحاد هو مجرد تملص من الواجبات
تدعو كثير من الدول العربيه للاتحاد للقضاء على العدو ( اسرائيل )
معلومه جغرافيه عدد سكان اسرائيل لا يزيد عن 7 مليون نسمه و مساحتها 22145 كم2 اقصى طول لها 470 كم و اقصى عرض 135 كم اى ان اسرائيل مساحة و سكانا عباره عن قطره فى الجلباب العربى
يضحكنى كثيرا دعوات المثقفين المصريين و السعوديين و السوريين بالاتحاد ضد دوله صغيره بل اكاد لا افهم لما الاتحاد اصلا الاجابه على ما اظن هو الاعتماد على الاخر و تملص من الواجبات و لكن الذى يضحكنى اكثر هو القول بان العرب لو اتحدوا لصاروا قوه لا تقهر لوجود الاموال التى لا حصر لها و سلاح البترول فى الخليج (معلومه لا يمكن استخراج هذا البترول بدون الغرب و اضف لمعلوماتك ان القرن الحالى سيشهد انهيار دول خليجيه كثيره على راسها الامارات و البحرين)
ووجود سلاح اخر قوى و هو العقول العربيه الجباره فى مصر و سوريا و العراق
هراء هراء هراء
انا لست انهزامى و لا ادعو للانهزاميه و لكن حتى نفكر فى اتحاد ايجابى بين العناصر يجب ان يكون كل عنصر قوى بذاته يجب ان يصبح كل عنصر فى حد ذاته قوه
و لا ادعو لحرب او غيره فانا اكرهها كثيرا و لكنى اردت ان اوضح معنى الاتحاد

فالاتحاد فى الوقت الراهن رغم انى اعلم انه لن يحدث فهو عباراه عن معادله شهيره
صفر+صفر+صفر+00000000000000= صفر

اهل السعوديه سعودى ذكى جدا

كفانا سذاجه نحن لسنا بامه عظيمه

سئمت من كلام الاعلام
يقول الاعلام الوطنى ان لدينا اعظم حكام و ان شعب مصر هو افضل و اعظم الشعوب
اذن فنحن لدينا اعظم حاكم و اعظم شعب
فلماذا نحن من دول العالم الثالث لماذا ينخر الفساد فى عظام الدوله
لماذا نحن متاخرين ان ما يقوله هذا الاعلام هراء
يقول اعلام المعارضه
ان مصر بها اسوء حاكم و اعظم شعب
اذن نحن اعظم شعب
ممممممممم
اشك لو كنا اعظم شعب لاسقطنا هذا الحاكم فى لحظات فهل لو ذهبوا حكامنا لامريكا مثلا هل كانوا يجرءون على فعل ذلك هل كانوا سيسمحوا لهم بالفساد اصلا
كفانا كذبا نحن لسنا شعب عظيم امين الشرطه المرتشى ليس عظيما المحاسب المختلس ليس عظيما امام المسجد المنافق ليس عظيما المهندس الغير مبالى ليس عظيما الطبيب المهمل ليس عظيما الموظف الذى يقضى نهاره فى الاكل و الكلمات المتقاطعه ليس عظيما

نتحدث عن امجاد الفراعنه و امجاد العرب ليل نهار و هذا سبب تخلفنا ليس لدينا حاضر ولا امل فى اصلاح مستقبلى فنعود الى الماضى و هذا سر تخلفنا و لو سالتنى عن سر تقدم الامريكان و تسيدهم فستكون الاجابه انهم بلا ماضى بلا تاريخ فصنعوا ذلك بانفسهم

كفانا سذاجه نحن لسنا بامه عظيمه

يا بنت بلدى شعر الشاعره ايمان بكرى

يابنت بلدي عيب ..لما اللجام هيسيب .. يسترخصوكي الناس
في بنطلون مزنوق .. وبلوزه شبر لفوق .. ولا حتى فـ الجمباز
عريتي تحت وفوق.. ولا عدش عندك زوق .. ولاحتى فيه احساس
لحم الخروف مدبوح ..بنجيبه بعد الروح .. ما تحصّــل الأنفاس
ولحمتك بالكوم .. دكان وطول اليوم ..مفتوح لأرخص ناس
يخرب زمنا زمان .. كأنه عُمر ما كان .. لالينا اصل ولا اساس